Korte Supremo lo dikta sentensia riba 12 di yüli den dos kaso tokante habri matrimonio entre personanan di mesun sekso na Aruba i Kòrsou

Korte Komun di Hustisia di Aruba, Kòrsou, Sint Maarten i di Bonèiru, Sint Eustatius i Saba a dikta den e sentensianan di 6 di desèmber 2022 ku disposishonnan for di legislashon di Aruba i respektívamente Kòrsou no ta aplikabel den kaso ku esakinan ta ekskluí matrimonio entre personanan di e mesun sekso. Korte Komun di Hustisia a stipulá ku e sentensianan no tin konsekuensia pa e posiblidat di adopshon di mucha. Pais Aruba i Pais Kòrsou a bai den kasashon kontra e veredikto di Korte Komun na Korte Supremo.

Riba 22 di dezèmber 2023 Abogado-General (AG) Snijders di Korte Supremo a konseha pa mantené e desishon di Korte Komun.

Por sigui e verediktonan riba 12 di yüli bibu-i-direkto pa medio di un livestream riba página www.hogeraad.nl tambe.

Media ku ke ta presente na momentu ku lo dikta sentensia, por registra na e-mail voorlichting@hogeraad.nl. No ta nesesario pa otro interesadonan registrá. Tampoko ta nesesario pa esnan, ku ke sigui e livestream, registrá.